सोपस्कार..

नजरेचा वार कसा..आरपार होता..
हृदयावर माझ्या..तो पहिलाच घाव होता..

कटाक्षांनी तुझ्या..काळीज चिरले..
इशाराच तो..देखणा गुन्हेगार होता...

टाळूनी नजर..पुन्हा फिरूनी पाहणे..
योगायोग हा तसा..वारंवार होता...

अनोळखी नजरेने..केले बरेच वादे...
नजर चोरणे..फक्त सोपस्कार होता..

                                                       -- अंतरा..
                                                ( कश्ती सलिम शेख.)
                                                     

आधे अधुरे...

तूच खेळ मांडलास..जो तुला खेळायचाच नव्हता..
सारिपाट पुराव्यांचा..मी अजूनही जपतेय बघ...

तुझं माझं  प्रेम पाहून..लाटा ही उसळायच्या...
त्या किनाऱ्यावर आपल्या..पाऊलखुणा सांडल्यात बघ..

कित्येक सांजवेळा.. तुझ्या मिठीत विरल्या..
कुशीत माझ्या अजून..तुझा श्वास दरवळतोय बघ..

कैकदा विरघळले..श्वास तुझ्या श्वासांत..
रंग ओठांचे माझ्या..तुझ्या ओठांवर उरलेत बघ...

लेखणीस सुद्धा माझ्या..तुझाच साज होता..
गाळलेली पानं माझी..एकदा वाचून बघ...

परी शब्दांचे आता..तुजसाठी जुळणे नाही....
क्षण बोचतायत सारे..माझी गझल खुंटली बघ...


                                                     --अंतरा...
                                             ( कश्ती सलिम शेख. )

अबोल भावना..

हे शब्दांचे खुंटणे..सारया मुक्याच भावना..
मुके प्रेम माझे..आज लेखणी अबोल आहे..

साधा श्वास घ्यावा.. तरी तुला साद जाइ..
नादात स्पदनांच्या..आज तुझे गीत आहे..

अलवार तुझी ओढ..दिस सरतच नाही..
वेडेखुळे तुझे स्वप्न..आज धुंद रात आहे..

तुझ्या गोड गोड बाता..जशी साखरपेरणी..
एकांती आठवांची..आज रिमझिम आहे..

तुझे हळूवार भास..मन भरतच नाही..
गालावरी आसवांची..आज बरसात आहे..

आज हासता हासता..श्वासात कैफ आला..
आज उगा विखुरले..साक्षी चांदरात आहे..

मुक्या भावनांची झाली परि..लेखणीशी भेट..
आज गझलीस सुद्धा..सख्या तुझाच साज आहे..

                                                  - - अंतरा ..
                                            ( कश्ती सलिम शेख .)

भेट...

भेट...

तुझ्या भेटीसाठी..मन पाखरु हाेऊन उडतं...
तुझ्या प्रेमाच्या हिंदोळ्यावर..मनमुराद झुलतं...

तुझ्या येण्याची खबर मला..तुझ्या येण्याआधीच कळते...
मंद वारया ची झुळूक मला..तुझ्या सुगंधाने छळते..

तुझ्या चाहुलीने मी..अलगद बट सावरते...
नेमकी त्याच वेळी..तुझी हाक कानी येते...

द्वाड वारा..पायाखालची वाळू हळूच पळवतो...
आपले हात हातात पाहून..सागरही खवळतो..

अशी भेट व्हावी..एका भेटीत आयुष्य सरावं..
नेमकं त्याच वेळी..सूर्यालाही माझ्या मनातलं कळावं..

तुझ्या माझ्या प्रेमावर..हा सूर्य उगाच जळतो...
आपली ' भेट ' पूर्ण होण्याआधीच..मुद्दाम मावळतो...

                                                -- अंतरा...
                                         (कश्ती सलिम शेख. )